Mindat Kahdohnak Ah Ralhrang Thi An Tam

Chin ramkulh, Mindat peng chung ah Tuni March 29 ah CDF- Mindat le Ralhrang kahdohnak ah Ralhrang 15 an thi tiah CDF-Mindat nih a thanh.

” Kahdohnak a chuahnak hmun le mengtung cuzat ti cu ka chim rih lailo, kan thawngthanhnak zong ah telh kan duhlo, Kahdohnak cu a fak ngaiko, ralram ummi kan ralkap pawl nihcun ralhrang 20 tluk thi in report lan ka pek ko nain 15 lawng in kan thanh” tiah CDF- Mindat in ttuanvo ngeitu pakhat nih Irrawady ah a chim.

Tutiang kahdohnak a fak i ralhrang thimi le hliamtuar an tam, kan ralkap cu an him rih tiah a chim chap.

Magwe ramtthen, Kyauhthuh in Chinram lei ah ralhrang mawtaw 80 le raltuknak tank a rak kaimi pawl cu CDF- Mindat nih lam canceo in an rak kah hna hi asi, Hi ralhrang mawtaw run pawl cu Matupi lei ah a kalmi an si.

Be the first to comment

Leave a Reply

Your email address will not be published.


*