Ramdang Nih Russia Palai 43 An Tthawl Hna

Russia le Ukraine tukdohnak ruangah Europe ram 4 hna nihcun an ramchung i Russia palai pawl cu an ram um an sianh ti hna lo i an tthawl hna .

Netherlands nih an ram chung ah Russia Ramdang Palai 17 cu ngiathlaitu nan si anti hna caah March 29 ah an ram chung in an tthawl dawi hna, Netherlands nih a tthawl hna hlan ah Belgium nih Russia ramdang palai 21 zong a rak tthawl cang hna i Czech zong nih Russia ramdang pakhai 1 a tthawl ve pin ah Ireland nih Russia ramdang palai 4 cu an ramchung in an tthawl dawi ve hna.

Hi ram 4 hna nihcun Russia palai pawl kan tthawldawi hna nak hi Russia cozah caah a thli in ngiatthlai nak an tuah(Mi ngiatu) an si caah asi tiah an chim. Kan hnu naite zong ah Poland nih Russia rammi minung 45 cu Palai bantuk in an i umtet i a thli tein ngiatthlainak an tuah tiah an rak tthawldawi ve cang hna, Hi Europe ram 4 hna nih Russia ramdang palai pawl an tthawl hna hlan ahhin US, Bulgaria ,Solvakia, Lithuania le Montenegro ram hna zong nih an ramchung Russia palai cheukhat cu an rak tthawl cang hna.

Russia nih an ramchung ummi Lithuania ramdang palai 4, Latvia ramdang palai 3, Estonia ramdang palai 3 tiin ramdang palai 10 rori te a tthawl ve cang hna.

Be the first to comment

Leave a Reply

Your email address will not be published.


*