Daw Suh Hnuzul Cherry Htet Cu Kum 2 Thongthlak Chap Ding Ah SAC Biaceihzung Nih Biakhiah Piak

Daw AungSan Suh Kyi Bodyguard Cherry Htet vu Naypyidaw thonginn chung biaceihzung nih tuni March 31 ah pohmah-505(a) in kum 2 thongthlak ding in bia a khiah piak caah, 2021 December 30 i Palek zulhphung upadi in thong kum 3 thlak ding bia an khiah piakmi he fonh in kum 5 a tlai lai.

Tuni hi sual an phawtnak pohmah-505(a) kong ahhin kan hnu Febuary 17 ahkhan amah Cherry Htet nih sualnak ka ngei hrimhrimlo tiah biaceihzung ah a rak chim.
Cherry Htet cu ” NLD Hluttaw Palai Daw Thiri Yadana he an i pehtlai, Social media ah ” A dik lomi thil a diklo tiah na chim ngamlo ahcun na ka phit” tiah a tar pin ah , ”We Love Daw AungSan Suh Kyi ” timi page i ” Ka nu kan ngaituk”( Lwan laih da A Mee”) timi a share ruang ah dantat a si tiah SAC nih an thanh.

Cherry Htet cu 2015 kum thimnak ah NLD nih teinak an hmuh in Ministry of Home& Affairs nih State Counselor Daw AungSan Suh Kyi Bodyguard rian an khinh i Daw Suh ramchung ramleng a tlawnnak kip ah a zultu asi.

Be the first to comment

Leave a Reply

Your email address will not be published.


*