Ralhrang le CDF – Matupi Kahdohnak A Fak, Ralhrang Thi le Hliamtuar An Tam

Chin ramkulh, Mindat In Matupi lei ah a kalmi Ralhrang mawtaw run don ah Matupi in Mindat lei ah a kalmi Ralhrang hna cu Nihin March 31 zing ah CDF- Matupi nih voihnih an kah hna i ralhrang 14 an thih pin ah hliamtuar an tam tiah theih asi.

” Ralkap thazang 80 veve hrawng in rallam ka hnih in an sial caah CDF- Matupi nih kan kah hna, Kan kamhmi bomb an i lamh ruang ah 11 hrawng an thi, hliamtuar an tam, Zing slm 7:40 hrawng ah hnu an kir tthan, 9:10 ah thazang an i chap i an van kan nawr tthan i kan i kap i ralhrang 3 an thi tthan. 9:50 hrawng ah Chianpian khuathar lei ah an kir ttham, Khuapi chung i Mizapi mawtaw lungphurhnak mawtaw pawl an hman i thazang an i chap ” tiah CDF- Matupi in ttuanvo ngeitu pakhat nih a chim.

Matupi in Mindat lei a kalmi ralhrang hi 150 hrawng an si i Chianpian khuathar ah an um ko rih tiah tjeih asi, Nizaan zong ah CDF- Matupi nih annkah cang hna i 2 an thah cang hna.

Ralhrang mawtaw 84 hna cu Magwe ramtthen Kyauhthuh in Mindat ah an lut i Mindat in Matupi ah thilri le riahcaw chan ding in March 24 in an i thawh, March 29 ah CDF- Mindat nih lampi ah an kah hna i ralhrang 29 an thi tiah CDF- Mindat biachimnak nawl ngeitu nih a chim.Ref. Zalen

Be the first to comment

Leave a Reply

Your email address will not be published.


*