Kanpetlet Ralzam Camp Ah Ngakchia Le Tar 17 An Nunnak Liam

Kanpetlet Ralzam Camp Ah Ngakchia Le Tar 17 An Nunnak Liam

Chin ramkulh, Kanpetlet ralzam camp ah ngandamnak lei zohkhenh tlamtlin lo ruang ah kumkhat chung ah ngakchia(hnuk ding lio telh in) 7 le tarnu tarpa 10 an nunnak liam cang, tiah bawmchantu hna nih an chim.

“Meithal thawng le bomb thawng lakah hnukding lio ngakchia cu kan zampi hna i ngakchia meithal le bomb thawng an celh lo caah an thihnak hi a si,” tiah ralzam mi pakhat nih RFA ah a chim.

“Ngakchia 7 an thi, cu chung ah ka fanu te zong aa tel. Zeiruang dah an thih ti ahcun, meithal thawng le bomb thawng an theih i an lau caah a si. Cu pinah ngandamnak lei zohkhenhnak a um lo, ram lak um kan si caah zeizong te a har ko. Tarnu tarpa hna zong kahdohnak chung ah an tli, an zam i an in khawh ti lo caah an thi,” tiah tualchung mi pakhat nih a chim.

Ralzam mi hna cu plastic in thlam an ser i cuka ah cun an um, eidin zong an har ngaingai, tiah theih a si.
Kanpetlet khua cu 2021 May 13 ni thok in an dihlak 5000 leng cu ramlak ah an zam.

Kanpetlet khua in ralzam mi le Cinduai kam ralzam fonh ah 300 leng an si i, naupawi lio 25 le hnuk ding lio ngakchia 70 an si, tiah tualchung mi nih an chim.TCP

Be the first to comment

Leave a Reply

Your email address will not be published.


*