Ukraine Raltuknak Ah Russia Bawmh Ding In N. Korea Nih A Hal

Ukraine Raltuknak Ah Russia Bawmh Ding In N. Korea Nih A Hal

Ukraine raltuknak ah Russia bawmh ding in N. Korea nih a ralkap sing khat thlah ding in a chim, tiah Russia ram media hna nih an langhter.

Ukraine raltuknak ah N. Korea ralkap sing khat cu nanmah bawmh ding in timhcia kan si an ti, tiah Russia ram raltuknak lei thiam sang Igor Roche nih a chim.

N. Korea cu miakpi(Artillery) in kahnak lei ah an thiam tuk, tiah Igor nih a chim. American nih Ukraine cu HIMARS Missile kahnak hriamnam pek dingin biachahnak a rak tuah caah Russia cu thinphang ngai in a um.

HIMARS Missile kahnak hriamnam cu Ukraine ralkap hna nih an hman caah Russia ralkap pawl cu an con dih, tiah raltuknak kongkau tuak tan thiam hna nih an chim.

Cu caah miakpi kah thiam taktak N. Korea nih Ukraine kah a duh ko ahcun Russia nih kan cohlan awk a si ko, tiah Igor nih a chim.

N. Korea nih ralkap singhra leng a ngeih hna i, aa chiahmi ralkap(reserve) hi singruk hrawng an si. N. Koea cu vawlei cung ah thazaang ṭhawng bik palinak a si, tiah New York hrambunh ramdang pehtlaihnak council nih a langhter.

N. Korea nih Ukraine ram ni chuahlei Donbass hmunram ah, rianṭuantu 1000 leng thlah a timh hna, tiah Daily NK nih a langhter.

Be the first to comment

Leave a Reply

Your email address will not be published.


*